Íslenskir fjölmiðlar hylja aðkomu Ísraels að óeirðum í Íran
—
Enginn Íslenskur fjölmiðill fyrir utan Neista hefur sagt frá því að Ísrael og Bandarísk yfirvöld séu viðriðin mótmælin og óeirðirnar í Íran eða að fall Íranska gjaldmiðilisins tengist áratuga löngu viðskiptastríði og þvingunum Bandaríkjanna sem hafa staðið yfir nánast óslitið frá byltingunni 1979 sem steypti af stóli konungsveldi Írans sem var hliðholt Bandaríkjunum.
Glenn Greenwald er reyndur blaðamaður sem birti Snowden skjölin á sínum tíma sem staðfestu að Bandaríkin hefðu tæknilega burði og vilja til að njósna um nánast allt og alla. Hann eins og margir sjálfstæðir blaðamen benda á að Ísraelska leyniþjónustan hafi verið „all over“ upphaflegu mótmælin í Íran sem breyttust í óeirðir og blóðbað. Og núna hefur Financial Times staðfest að svart klæddir “óeirðaseggir” hafi verið innan um mótmælendur sem hafi farið um og kveikt í rusli. Annað vitni sá hóp svart klæddra sérsveitarmanna fara á milli húsa og hvetja fólk til að taka þátt í mótmælunum. Áður höfðu Íraelskir fjölmiðlar fjallað um aðkomu Ísraelsku leyniþjónustunnar sem lengi hefur stefnt að því að fella Íslamska lýðveldið.
Ísrael réðist á Íran í fyrra en varð að draga í land og semja um vopnahlé því viðbrögð Írana og loftárásir á ísraelskar borgir voru meira en Netanyahu réði við. Núna liggur önnur árás í loftinu.
Mótmælin breyttust frá réttmætum og friðsamlegum mótmælum yfir efnahag landsins yfir í blóðugar óeirðir þar sem hundruðir hafa látið lífið. Írönsk yfirvöld hafa ekki gefið út neinar tölur svo ég viti en bæði lögreglumenn og almennir borgara hafa fallið. Vestrænir fjölmiðlar vilja hins vegar mála upp þá mynd að yfirvöld í Íran séu illmenni sem myrði eigin borgara að ósekju en nefna ekki að hryðjuverkaríkið Ísrael sé með puttana í öllu saman. Ííslenskir fjölmiðlar segja okkur að Trump vilji bjarga Írönskum almenningi og allt í einu er allir orðnir Trumpistar. Líka frjálslynda fólkið sem sagðist hata Trump.
Íran hefur verið undir lamandi viðskipta- og efnahagsþvingunum af hendi Bandaríkjanna og vesturlanda allt frá byltingunni 1979 sem varð til þess að Íran neyddist til að koma sér upp eigin tækni líkt og flugskeytum og öðrum varnar- og hernaðartólum. Íran hefur mun meiri hernaðarmátt heldur en t.d Venesúela sem gerir allar árásir á landið mun dýrari fyrir heimsvaldasinna, líkt og sást í tólf daga stríðinu í fyrra.
Upphaflegu mótmælin voru að hluta til viðbragð við falli Íranska ríalsins en stjórnvöld saka Bandaríkin og vesturlönd um að skipuleggja árás á efnahag Írans með fyrrgreindum afleiðingum. Indverski fjölmiðlamaðurinn og Marxistinn Vijay Prashad skrifar og segir: „hið skjóta 30-40% fall gjaldmiðilsins er klassískt einkenni utanaðkomandi íhlutunar“.
Á meðan Íslenskir og vestrænir fjölmiðlar flytja almenningi valdaskiptaáróður þriggja stafa stofnunarinnar (CIA) um að Írönsk yfirvöld hafi myrt þúsundir mótmælenda hafa önnur mótmæli tekið yfir en þau eru til stuðnings Íranska lýðveldinu þar sem milljónir Írana hafa tekið þátt og farið út á götur.
Vijay Prashad lýsir hvernig mótmælin hafa breyst:
„Mótmælin“ breyttust á einni nóttu frá friðsamlegum samkomum yfir í öflugar óeirðir og skemmdarverk sem leiddu til dauða um það bil 100 lögreglumanna, og fullyrt er að sumir lögreglumenn hafi verið brenndir lifandi, öryggisvörður hálshöggvinn og læknastofa hafi verið brennd til grunna, sem kostaði til dæmis hjúkrunarfræðing lífið. Notkun skotvopna úr návígi gegn almennum borgurum bendir enn fremur til tilraunar til að hámarka spennu innanlands og skapa átyllu fyrir erlenda íhlutun. Pólitíska skipulagningin á bak við ringulreiðina varð óumdeilanleg þegar utanríkisráðuneyti Bandaríkjanna og Mossad fögnuðu opinskátt ofbeldinu í rauntíma. Þegar yfirvöld lokuðu fyrir aðgang að internetinu misstu mótmælin verulega styrk sinn, sem setur spurningarmerki við sjálfstæði hreyfingarinnar og styrkir þá kenningu að um sé að ræða tilraun til að skapa óstöugleika, þar sem reynt sé að hagnast á núverandi aðstæðum í heiminum.“
Alltaf má treysta því að Íslenskir fjölmiðlar þýði gagnrýnislaust áróður Bandaríkjanna sem ætlað er að grafa undan andstæðingum eða öllu heldur fórnarlömbum vesturlanda. Eitt er víst, tilraunir Bandaríkjanna og Ísraels til að steypa stjórnvöldum í Íran af stóli munu ekki leiða til neins nema hörmunga fyrir almenning í landinu. Það vita Afghanir, Sýrlendingar, Líbíumenn, Síelbúar, Kúbanir, og Írakar sem hafa fengið að bragða á svokölluðu lýðræði og valdaskiptaaðgerðum vesturlanda.
