Mynd: Stúlknaskólinn í bænum Minab sem sprengdur var ásamt um 160 stúlkum.

Gárungar hafa uppnefnt gjörsamlega misheppnaða hernaðaraðgerð ríkisstjórnar Donalds Trump í Íran, Epic Fury, „Epsteins Fury“. Bandaríkin og Ísrael eru nú nefnd Epstein-bandalagið um heim allan. Íranskur embættismaður sagði í viðtali að þjóðin hans væri nú í átökum við menn sem ýmist drepa litlar stúlkur eða nauðga þeim – og það virðist vera meira en lítið sannleikskorn í því. Viðurstyggilegir stríðsglæpir bandalagsins alræmda staflast upp, engin virðing er þar borin fyrir þeim mannslífum sem áður þurfti svo bráðnauðsynlega að „frelsa“ frá „klerkastjórninni“. Tíu milljón manna höfuðborg Írans hefur verið teppasprengd með manni og mús undanfarna daga af Epstein-bandalaginu. Ómetanlegir menningardýrgripir síðustu 5000 ára liggja undir skemmdum og eyðileggingu vegna árása Epstein-bandalagsins – þeirra á meðal fornar og fagrar kirkjur kristinna manna.

Epstein-bandalagið tapaði strax fyrsta daginn, þegar þeir gerðu trúarleiðtoga Sjía-múslíma að píslarvotti með því að myrða hann á heimili sínu, haldandi að raunveruleikinn sé eins og James Bond bíómynd og endirinn eins og Hollýwood mynd. Ef Ali Khamenei hefði verið allsherjargoði Ásatrúarfélagsins, þá sæti hann nú að veislu í Valhöll, í stað þess að lognast útaf í kör, 86 ára gamall og með krabbamein. Khamenei rakti ættir sínar til spámannsins Múhameðs í 38. lið og hefur hlotið æðsta mögulega hetju- og píslardauða, eins og hann hefði sjálfur óskað sér. Hann afþakkaði öll boð um að flýja land eða fara í felur, með þeim orðum að hann vildi vera með þjóðinni sinni á ögurstundu – á meðan Netanjahú flúði til Þýskalands við fyrsta hvell. Klerkar víða um heim hafa nú boðað heilagt stríð til að hefna síns heilaga manns. Áður sundraðar þjóðir hafa fundið sér sterkt sameiningartákn og fyrirmynd í píslarvættinu. Íranir eru sameinaðir sem aldrei fyrr.

Eins og það sé ekki nógu slæmt fyrir Epstein-bandalagið, þá versnar málið enn. Jemenar, sem fyllst hafa frekari eldmóði (ef það var þá mögulegt) við píslardauða Khameneis og munu loka Rauðahafinu fyrir skipaumferð. Íranir hafa lokað Hormuz-sundinu. Íranir hafa eyðilagt radarsjón, herstöðvar, hafnir og flugvelli Bandaríkjanna í nágrannaríkjunum með drónum og öðrum eldflaugum sem þeir eiga ein reiðarinnar ósköp af. Olíubirgða- og vinnslustöðvar Arabaríkjanna sæta sprengjuárásum og eru meira eða minna lokaðar eða að loka. Allir skattfrjálsu milljarðarnir eru á harðahlaupum frá OnlyFans- og Instagram borginni Dúbæ, ýmist með rútu eða á úlfalda þar sem að farþegaflug liggur niðri á öllu svæðinu. Ferðamannaiðnaðurinn er stopp. Valdamiklir milljarðamæringar eru að tapa gríðarlegum auðæfum og bandamönnum Epstein-bandalagsins finnst þeir hafa verið sviknir af „friðarljósinu“ Donald Trump. Kjósendur hans og aðdáendur um allan heim eru stjarfir af undrun og vonbrigðum.

Afleiðingin gæti orðið:

– Bandarískir, ísraelskir og sumir evrópskir ríkisborgarar gætu nú verið í hættu úti um allan heim

– Bandaríkjadollar, sem borinn er uppi af olíu og gasi úr Arabaríkjunum, gæti hrunið með miklum látum

– Allt að 80% af matvælum og vatni í Arabaríkjunum eru háð flutningum um áðurnefnd skipasund

– ESB, sem skrúfaði fyrir Rússland, fær ekki lengur gas frá Katar og þarf þá endanlega að slökkva ljósin

– Verslun Evrópu við Asíu með flestar vörur stöðvast eða þarf að sigla suður fyrir Afríku

– Olíuverð hækkar óskaplega

– Milljónir flóttamanna byrja að hafa sig af stað til Evrópu

Eins og ég segi, ég á enn eftir að sjá snilldina í þessu, kannski þarf ég bara að poppa meira og fylgjast með gangi málanna áfram. En Trump var ekki grobbinn síðast þegar ég sá til hans. Stríðsmálaráðherrann Hegseth virtist vera genginn af göflunum. Bandarískur fréttamaður spurði Araghchi utanríkisráðherra Írans hvort þeir óttuðust ekki að Bandaríkin gengju á land í Íran með herlið sitt. Maðurinn svaraði rólega: „Nei, við bíðum eftir að þeir geri það“. https://x.com/disclosetv/status/2029609861902696499

Þessi pistill er fésbókarfærsla 5/3 fenginn af fésbók Ernu Ýrar Öldudóttur