Ný stefna Írans gæti breytt stöðunni í Miðausturlöndum

Íran segist ekki lengur ætla að bíða eftir ógnunum, heldur lýsir yfir nýrri svæðisbundinni varnarstefnu, að sögn Sadeq Larijani. Larijani er áhrifamikill íranskur sjía-klerkur, íhaldssamur stjórnmálamaður og háttsettur innan íranska stjórnkerfisins. Hann er þekktastur fyrir að hafa gegnt embætti yfirdómara (yfirmaður dómskerfisins) í Íran frá 2009 til 2019 og sem formaður Ráðgjafarráðsins (Expediency Discernment Council) frá lokum árs 2018. Bróðir hans, Ali Larijani, sem nú er látinn, var þingforseti og þjóðaröryggisráðgjafi æðsta leiðtogans áður en hann var drepinn af Ísrael. Larijani-fjölskyldan er trúarlegur og pólitískur aðall í Íran.

Sérhverri árás á Andspyrnuöxulinn nú svarað frá Íran

Sem núverandi formaður Ráðgjafarráðs Írans tilkynnti Larijani formaður að íhlutun Teherans til stuðnings Líbanon væri formleg yfirlýsing um nýja hernaðarkenningu. Samkvæmt þeirri kenningu munu árásir á hvaða hluta Andspyrnuöxulsins sem er (einkum á Hizbollah og Palestínumenn) kalla á svör frá Íran sem ná út fyrir landfræðileg mörk og endurreikna svæðisbundnar valdajöfnur. Íran útvíkki þannig fælingu sína.

Larijani útskýrði að Íran væri komið á nýtt stig þar sem það bíður ekki lengur eftir að ógnir komi fram áður en gripið er til aðgerða til að vernda svæðisbundna stöðu sína, heldur muni það taka frumkvæðið. Hann varaði einnig við því að hvers kyns stigmögnun átakanna eða árás á mikilvæga íranska innviði yrði mætt með alhliða og fælandi viðbrögðum.

Ný krafmikil breyta í Levant-löndunum

Þetta kynnir nýja, kraftmikla breytu inn í útreikningana fyrir Levant-löndin við Miðjarðarhafsbotninn [Levant-lönd: einkum Palestína, Ísrael, Jórdanía, Líbanon, Sýrland]. Þetta er í fyrsta sinn frá stofnun íslamska lýðveldisins árið 1979 sem Íran hefur beinlínis skuldbundið sig til að grípa til hernaðaraðgerða fyrir hönd Hezbollah og líbönsku þjóðarinnar auk Palestínumanna. Íhaldssama ísraelska dagblaðið Israel Hayom greindi frá því að öryggisfulltrúar hefðu viðurkennt að Ísrael hefði ekki búist við því að Íran myndi fylgja hótunum sínum að fullu eftir en það hjefði verið misreikningur. Fram kom gremja yfir því að Íran hefði sett skilmálana með nýju „jöfnunni“, og að Ísrael hefði staðið frammi fyrir þrýstingi (meðal annars frá Bandaríkjunum/Trump) um að takmarka viðbrögð sín til að forðast allsherjarstríð.

Ísrael hélt áfram árásum sínum í suðurhluta Líbanon á mánudag, réðst á borgina Týros og drap marga almenna borgara. Enn sem komið er hefur Íran ekki brugðist við því. Ef Ísrael heldur þessum árásum áfram munum við komast að því hvort herra Larijani hafi verið með innantóma hótun eða hvort Íran sé alvara með að refsa Ísrael með nýrri flugskeytaárás fyrir árásir sínar á líbanska almenna borgara.

Pakistan reynir að miðla málum

Á sama tíma staðfesti sendiherra Írans hjá Sameinuðu þjóðunum í dag að Pakistan gegni lykilhlutverki í tilraunum til að miðla friðarsamkomulagi milli Írans og Bandaríkjanna. Sendiherra Írans hjá SÞ, Amir-Saeid Iravani, sagði:

Við höfum ekki enn náð endanlegum texta, en við erum að vinna að honum.

Bandaríkin og Íran eru að leggja fram og skiptast á skoðunum til að ná endanlegum texta með milligöngu Pakistans.

Ísrael eflir njósnir sínar

Þetta staðfestir að hluta til fréttina sem Pepe Escobar og ég fluttum síðasta mánudag og er í samræmi við nýlega fullyrðingu Donalds Trump um að Bandaríkin og Íran séu að nálgast samkomulag um að binda enda á stríðið. Þetta útskýrir einnig hvers vegna Ísrael, samkvæmt nýlegri frétt NY Times, hefur eflt njósnir sínar um lykilmenn í stjórn Trumps til að komast að smáatriðum fyrirhugaðs samkomulags.

Fyrrverandi lögmaður Trumps, Robert Barnes, sagði í Jim Webb hlaðvarpinu í dag (Jim Webb podcast) að samningamenn Bandaríkjanna og Írans hefðu náð samstöðu um sex aðskilin viljayfirlýsingar-skjöl á síðustu þremur mánuðum og að Trump hefði hafnað hverju og einu á síðustu stundu. Við munum sjá hvort það nær í mark að þessu sinni.

Annar annasamur hlaðvarpsdagur í dag. Judge Napolitano og ég ræddum njósnir Ísraels um stjórn Trumps