Arthur Kachikian er frá Armeníu og kunnur álitsgjafi um alþjóðamál, bandarískur ríkisborgari og doktor í stjórnmálafræði frá Stanford University, en starfandi í Yerevan Í Armeníu.

Þann 14. mars sl. ræddi hann um Íranstríðið og áhrif þess á alþjóðastjórnmál við Pascal Lottaz sem er svissneskur aðstoðarprófessor við  Waseda Institute for Advanced Study í Tokyo í faginu „hlutleysirannsókir“ eða Neutrality Studies. Lottaz heldur líka úti merkri streymisveitu með sama nafni, Neutrality Studies, og ræðir þar við sérfróða menn um alþjóðamál, einkum við fólk sem almennt er gagnrýnið á hina vestrænu frásögn af þeim málum.

Viðtalið mótast af því að Kachikian er bandarískt skólaður fræðimaður sem hefur greinilega fram að þessu verið hallur undir hina fjálslyndu heimsskipan (ásamt markaðsfrjálslyndri hnattvæðingu) sem ríkt hefur eftir lok Kalda stríðsins. „I am a big liberal“ segir hann. En að hans áliti ummyndaðist kerfið þegar voldugasta ríki þess hefur tekið sér fullt drottnunarvald.

Viðtalið mótast einnig af því að Armenía er í næsta nágrenni við átakasvæðið, þar sem Armenía á landamæri að Íran. En ályktanir Kachikians eru víðtækari en svo, og að hans mati markar Íranstríðið mikil umskipti, stórfelldar hamfarir sem ganga yfir alþjóðarétt, alþjóðareglur, öryggis- og afvopnunarsamninga og allt kerfi alþjóðlegra stjórnmála.

America’s Final War | Dr. Arthur Kachikian – YouTube

Hér að neðan eru meginpunktar Kachikians:

  . . . . . . . . .

ÞETTA ERU ENDALOK HEIMSINS EINS OG VIÐ ÞEKKJUM HANN

Heimsskipanin eftir 1945 er fallin.

KJARNI MÁLS: ALLAR STOÐIR ERU AÐ HRYNJA

• Alþjóðalög eru horfin.

• Kerfi Sameinuðu þjóðanna, alþjóðasamningar og almenningsálitið eru hætt að skipta máli.

• Sérhver vopnaeftirlitssamningur, frá INF til ABM til „Open Skies“, er horfinn.

• Banni við útbreiðslu kjarnavopna er lokið; kjarnorkuvopn munu nú breiðast út.

FRJÁLSLYNDISDRAUMURINN ER ÚTI

• Fjögur hundruð ár af heimspeki, frá Hobbes til Locke til Mill sem lofuðu því að lýðræðisríki myndu aldrei ráðast hvert á annað.

• Það loforð dó endanlega um leið og forysturíki lýðræðisins hóf þetta stríð [árásina á Íran].

• Bretland, Frakkland, Þýskaland og NATO stóðu einnig að baki ákvörðuninni um að hefja stríðið.

• Hugmynd Francis Y. Fukuyama frá 1992 um „Endalok sögunnar“ [í allsherjar frjálslyndu lýðræðiskerfi] liggur nú grafin við hliðina á Þjóðabandalaginu (1920-1946) og „Samstíga Evrópu“ (jafnvægiskerfi Evrópu ca. 1814-1914).

GRAFREITUR REGLUBUNDINNAR HEIMSSKIPANAR

• Þessi átök leiða okkur í gegnum grafreit eftirtalinna: Þjóðabandalagsins afkvæmis Woodrow Wilsons, Nýju hugsunar Gorbatsjovs, Nýju heimsskipunar Bush eldra, jafnvel MAGA-hreyfingarinnar.

• Allar hugsjónir um jafnvægi, sameiginlegt öryggi og málamiðlanir eru nú grafnar – á bautastein.

• Þeir sömu frjálshyggjumenn og prédikuðu þessar reglur rifu þær sjálfir niður.

NIÐURSTAÐA

Arthur Kachikian segir að við stöndum á nýtekinni gröf allra hugmynda sem mannkynið hefur nokkurn tímann haft um að koma í veg fyrir styrjaldir. Fólkið sem kvaðst vera að verja lýðræðið heldur sjálft á rekunni moldugt upp fyrir haus. Þetta nýjasta stríð markar endalok heimsins eins og við þekkjum hann.

   . . . . . . .

Pascal Lottaz setti kynningu á viðtalinu út á miðilinn X. Þar hefur m.a. Ólafur Ragnar Grímsson fyrrverandi forseti – og stjórnmálafræðingur eins og Kachikian – veitt því athygli. Og hann deilir því áfram með hinni áaleitnu spurningu: „Er þetta rétt hjá honum“?, Is he right?