Ný skýrsla bendir til þess að um 400 þúsund hafi verið drepin í Gaza
—
Ný skýrsla sem unnin var af Garb Yaakov, prófessor, við Ben-Gurion-háskóla í Ísrael og birt á Harvard Dataverse í júní 2025 (sjá m.a. hér), hefur leitt í ljós að allt að 377.000 manns hafi látið lífið í stríðinu gegn Gaza, beinlínis eða óbeint, margfalt fleiri en opinberar tölur gefa til kynna.
Í gegnum gögn og stærðfræðilega greiningu sýnir skýrslan fram á að tölur frá heilbrigðisyfirvöldum í Gaza ná ekki yfir allt umfang manntjónsins. Þær byggja á tilkynningum frá sjúkrahúsum sem margir hafa ekki aðgang að, og telja einungis bein dauðsföll vegna árása, en ekki þá sem deyja síðar úr sárum, skorti á meðferð, hungri eða vatnsskorti.
Útrýmingarherferð Ísraelshers hefur kollvarpað heilbrigðiskerfinu, eyðilagt grunnstoðir samfélagsins og skapað skilyrði þar sem börn deyja af vökvatapi, mæður fá ekki aðhlynningu við fæðingu og sjúklingar liggja hjálparlausir. Þetta eru óbeinu dauðsföllin, hin þögulu, sporlausu lík sem aldrei komast á töflur.
Þetta snýst um líf sem hverfa, oft án nafns, án fæðingarvottorðs, og án grafar. Greiningin bendir svo á að þessi harmleikur í Gaza felist ekki einungis í fjölda dauðsfalla, heldur risti dýpra: Þetta er samfélagslegt, sálrænt og siðferðislegt hrun sem snertir allt mannkynið. Heimsbyggðin er ekki einungis að horfa aðgerðarlaus upp á þjóðarmorð, heldur hreina útrýmingu.
