Trump setur fram hótanir gegn Írönum og samningamönnum þeirra í Sviss
—
Íranski þingforsetinn brást við með því að segja að Íranir tækju „ekki hótanir Bandaríkjamanna alvarlega“.
Á sunnudag (21/6) setti Trump forseti setti fram nýjar hótanir gegn Íönum og samningamönnum þeirra á meðan bandarískir og íranskir embættismenn voru í Genf í Sviss í fyrstu umferð viðræðna á grundvelli viljayfirlýsingar (Memorandum of Understanding) Bandaríkjanna og Írans.
Í samtali við fréttamann Fox News, Trey Yingst, hélt Trump forseti því fram að hann hefði talað við íranska embættismenn aðfaranótt sunnudags og sagt þeim: „Ef þið lokið [Hormússundi] munuð þið ekki eiga neitt land.“
Forsetinn var að bregðast við fréttum um að íranski herinn hefði tilkynnt að hann myndi loka Hormússundi á ný til að bregðast við áframhaldandi árásum Ísraels í Líbanon, sem urðu tugum manna að bana um helgina þrátt fyrir að öðru „vopnahléi“ hefði verið lýst yfir. Viljayfirlýsingin kveður á um að stríðinu verði hætt að fullu, og íranskir embættismenn hafa sagt að það velti á því hvort Ísraelar dragi sig til baka frá Suður-Líbanon.
Yingst sagði að Trump hefði einnig sagt embættismönnunum að ef sundinu yrði lokað, „munið þið ekki einu sinni komast aftur til ykkar f–king lands,“ sem virðist vera drápshótun gegn írönsku sendimönnunum í Genf, þar á meðal utanríkisráðherranum Abbas Araghchi og íranska þingforsetanum Mohammad Bagher Ghalibaf.
Sérstaklega, í færslu á Truth Social, hótaði forsetinn Íran vegna stuðnings þeirra við Hezbollah. „Íran verður tafarlaust að stöðva vel launaða STAÐGENGLA sína í Líbanon frá því að valda vandræðum. Ef þeir gera það ekki, munum við ráðast aftur á Íran af mikilli hörku, alveg eins og við gerðum í síðustu viku, bara harðar!!!“ sagði Trump.
Færslan er athyglisverð þar sem Trump hefur hvatt Ísrael til að binda enda á árásir sínar í Líbanon en virðist nú vera að skella skuldinni á Hezbollah fyrir áframhaldi stríðsins, þrátt fyrir að Ísrael neiti að binda enda á hernám sitt í suðurhluta landsins.
Hótanir Trumps brjóta í bága við viljayfirlýsinguna, sem kveður á um að báðir aðilar verði að „forðast hótun um eða beitingu valds hvor gegn öðrum,“ og íranska fréttastofan PressTV greindi frá því að sendinefnd Írans í Genf hefði mótmælt ummælum hans við bandaríska aðila.
Í færslu á X eftir viðræðurnar gerði Ghalibaf lítið úr hótunum Trumps. „Sjá þeir ekki með sjálfum sér, að ef hótanir þeirra hefðu einhver áhrif hefðu þeir ekki náð þessu stigi örvæntingar í dag? Við tökum hótanir Bandaríkjamanna ekki alvarlega,“ skrifaði hann.
„Þeir ættu að fara varlega í yfirlýsingum sínum, herafli okkar er reiðubúinn að bregðast við á annan hátt. Það er sama hvað þeir segja, það erum við sem munum láta verkin tala,“ bætti hann við.
Íranskir fjölmiðlar greindu frá því að Íran hefði frestað samningaviðræðum við Bandaríkin vegna hótana Trumps, en bandarískir embættismenn sögðu CNN að viðræðurnar hefðu haldið áfram allan daginn og búist væri við að þær stæðu fram á nótt. Fyrr um daginn sagði íranskur embættismaður að báðir aðilar hefðu lokið við drög að undanþágum frá refsiaðgerðum vegna íranskrar olíu og að búist væri við að undanþágurnar yrðu gefnar út fljótlega.
Greinin birtist á Antiwar.com, 21. juni 2026
***
Viðbótarefni: Íran hefur yfirhöndina í stríðinu – og stjórnar olíuflæðinu. Viljayfirlýsingin viðurkennir þá staðreynd – og heimtar að einnig Ísrael bindi enda á árás sína í Líbanon. Netanyahu hafnar viljayfirlýsingunni og heldur áfram morðum sínum í Líbanon. Með viljayfirlýsinginni viðurkenni Trump yfirhönd Írans í stríðinu – en getur ekki gert það upphátt – og tvístígur því og snýst . Samningsstaðan er flókin og langt í land. Í þessu myndbandi ræðir Nima Alkhorshid stöðuna við þá Seyed M. Marandi og Larry Johnson. Ritstjórn
XX
