„Helför Hamas“
—
Mjög ógeðfellt hjá Mogganum að líkja atburðunum 7. október saman við Helförina. Atburðirnir 7. október hafa einmitt verið notaðir sem helsta réttlætingin fyrir yfirstandandi þjóðarmorði Ísraels á Gasa, þar sem mestu barnadráp hafa átt sér stað í allri veröldinni í marga áratugi. Eða, það er nánar tiltekið „grimmdaverkaáróður“ (atrocity propaganda) um atburðina 7. október sem hefur verið notað til réttlætingar, eins og er stundað af Mogganum.
Það er Ísrael sem er að fremja þjóðarmorð („Helför“) en ekki öfugt.
„Al-Aqsa flood“ aðgerð Hamas 7. október var hernaðaraðgerð sem hafði það að markmiði að ráðast á herstöðvar Ísraels við landamærin að Gasa og ná ísraelskum hermönnum sem föngum til að skipta á móti þeim mörg þúsund palestínskum föngum sem Ísrael er með í sínum dýflissum. Sjá hér um markmið Hamas.
Staðfest hefur verið, m.a. af einu virtasta dagblaði í Ísrael, Haaretz, að þann 7. október beitti Ísraelsher Hannibal-tilskipuninni svokölluðu. Hannibal-tilskipunin hefur þann tilgang að koma í veg fyrir gíslatöku með því að drepa eigin hermenn og borgara, að gera átakasvæðið að „frjálsu skotsvæði“ (free fire zone). Mogginn minnist auðvitað ekkert á þetta. Sjá frekar um Hannibal-aðferð Ísraelshers hér.
Mörg þúsund Hamas-liðar og aðrir vígamenn voru drepnir þennan dag, margfalt fleiri heldur en féllu Ísraelsmegin (greinarhöfundur, Andrés Magnússon, minnist reyndar á þetta en virðist samt ekki tengja). Ísraelsher hóf gríðarlega skothríð yfir bæina (Kibbutz) við landamærin að Gasa, með þyrlum (helicopter gunships), skriðdrekum og fallbyssum, sem stráfelldu ekki bara mörg þúsund Hamas-liða, heldur einnig fleiri hundruð af eigin borgurum. Þess vegna var mannfallið svona mikið þennan dag, þetta var gríðarlegur skotbardagi og skothríð. Svæðið var gert að „frjálsu skotsvæði“ samkvæmt Hannibal-tilskipuninni. Þ.m.t. tónlistarhátíðin í Re’im, sem hefur svo oft verið fjallað um í „grimmdarverkaáróðri“ áróðursmiðlanna. Þeir minnast aldrei á það að í þessu sama myndefni sjást ísraleskir skriðdrekar á svæðinu, og „helicopter gunships“ létu sprengjum rigna yfir svæðið og skutu á bíla sem voru að reyna að flýja tónlistarhátíðina (þar sem margir óbreyttir borgarar voru drepnir).
Þess vegna eru líka allar þessar falsfréttir af „nauðgunum“ þennan dag svo fjarstæðukenndar, hvað þá „afhöfðuð börn“, „bökuð í ofnum“ og allt þetta rugl, „grimmdarverkaáróðurinn“ notaður til að réttlæta þjóðarmorð. Sjá afhjúpun The Grayzoneá þessu.
Í fyrsta lagi hafa engar sannanir verið lagðar fram fyrir nauðgunum þennan dag (við eigum að trúa því bara vegna þess að ísraelsk stjórnvöld segja okkur það, sömu á róðursaðilarnir sem segja okkur einnig að Ísraelsher drepi ekki óbreytta borgara og að IDF sé „siðvandur her“ (moral army). Í öðru lagi, hvernig áttu Hamas-liðar að geta stundað nauðganir í miðjum skotbardaga og skothríð við Ísraelsher þar sem mörg þúsund þeirra voru drepnir á einum degi? Þetta kemur ekki heim og saman.
