HERNAÐARHYGGJA LEIDD TIL ÖNDVEGIS – OG ÞÓRDÍS BÆTIR Í
—

Ögmundur Jónasson
18. maí, ’24

Ég minnist nokkurra ferða á fundi erlendis sem ráðherra. Tilstandið í kringum slíkar ferðir þótti mér oft keyra úr hófi fram. Verst held ég að þetta hafi verið í Ungverjalandi en þar voru menn farnir að föndra við fasisma á ráðherraárum mínum fyrir rúmum áratug. Þá var ég orðinn innanríkisráðherra og þar með ráðherra lögreglu- og dómsmála, landhelgisgæslu og ýmissa annara þátta sem sköruðust við „varnarmál“ hjá herþjóðum. Þetta þótti kalla á sérstakar öryggisráðstafanir, vælandi sírenur, vopnaða menn með hönd á gikk við hvert fótmál þessa mikilvæga gests og sólarhringsvakt við hótelherbergið. Með þessum yfirdrifna bjánagangi átti að sýna gestinum hve mikils hann væri metinn, í alvöru kominn inn í innsta hring!

Metið held ég nú samt að hafi verið slegið í Reykjavík undir forystu ríkisstjórnar Íslands á ráðherrafundi í maí á síðasta ári. Fluttir voru inn lögregluþjónar erlendis frá til að styðja íslensku lögreglumennina sem aftur voru látnir gista á hóteli í Reykjavík nærri fundarstað – einnig þeir sem bjuggu á höfuðborgarsvæðinu – þegar „leiðtogar“ Evrópuráðsins kæmu saman til að ræða mannréttindamál í Reykjavík. Í engu skyldi sparað svo viðbragðsflýtir gæti orðið á sekúndubrotum. Gasgrímur munu hafa verið við höndina ef skyndiárás yrði gerð með eiturefnum.
Allt varð þetta þó skiljanlegra þegar í ljós kom að á þessum fundi stóð til að stíga stærsta skrefið hingað til svo gera mætti þennan samstarfsvettvang Evrópuþjóða um mannréttindamál að valdastofnun í þjónustu ríkisstjórna; að því sem á ensku kallast geopólitískri stofnun. Þetta var illa ráðið og gæti þá þýtt að samviskan hafi ekki verið upp á sitt besta hjá skipuleggjendum og þess vegna allur varinn góður. Um þetta birtist örpistill á sínum tíma: https://www.ogmundur.is/is/greinar/fra-versolum-til-reykjavikur sjá einnig um viðhorfsbreytingu íslenskra ráðamanna til „öryggismála“,
https://www.ogmundur.is/is/greinar/banvaen-ord-og-ekki-saklaus

Þá fer trúverðugleikinn og með réttu!

Eitt það dapurlegasta sem gerst hefur á Íslandi er sú kúvending sem orðið hefur í afstöðu til hernaðarhyggju. Stjórnmálamenn sem gáfu sig út fyrir að vera talsmenn friðar sneru algerlega við blaðinu í upphafi núverandi stjórnarsamstarfs, opnuðu Ísland fyrir stórfelldri hervæðingu, fóru að kaupa og selja vopn og gera sig gildandi á meðal stríðshauka enda hlotið lof fyrir fylgispekt sína. Allir bjuggust við öllu af hálfu Sjálfstæðisflokks, ýmsu af hálfu Framsóknar en aldrei þessu af hálfu VG. Þess vegna er sá flokkur í sárum. Ef eitt er sagt og annað síðan gert í hverju grundvallarmálinu á fætur öðru tapast trúverðugleikinn. Hann ávinnst ekki á ný nema til komi gerbreytt stefna: https://www.ogmundur.is/is/greinar/tillaga-til-ketils-skraeks

Varðberg á framfæri skattgreiðenda að fræða um stríð og frið!


Nýlega vakti ég athygli á því að ríkisstjórnin hefði gert samning við Varðberg, helsta aðdáendaklúbb NATÓ í landinu um að kynna málstað hernaðarbandalagsins. Nánast engin umræða hefur orðið um þessa fáránlega hlutdrægu ráðstöfun. Hvernig stendur á því? Ekki vil ég að mínir peningar gangi til þessa verkefnis og pólitíkin sem í þessu er fólgin finnst mér forkastanleg: https://www.mbl.is/frettir/innlent/2024/03/27/raduneytid_gerdi_samning_vid_vardberg/

Ísland búið að fá varnarmálaráðherra

Og síðan fáum við að heyra nú að utanríkisráðherra Íslands sé farin að láta titla sig sem varnarmálaráðherra landsins þegar það þykir eiga við. Bjarni Benediktsson mun hafa byrjað á þessum nýja sið en allt er þetta táknrænt um hvert stefni með land okkar – illu heilli.
Sjálfum finnst mér þetta vera dapurlegra en orð fá lýst.
https://www.nato.int/cps/en/natohq/who_is_who_51267.htm?fbclid=IwZXh0bgNhZW0CMTAAAR3XjDPEHat6SZx-k2YjRRfQmtzaxx4FUNNv-snZ8We7x1iJ8klpOSgDAKQ_aem_Add_zaKNpy9YaH4vmClOJ2J_mX6R9Akr5kIIwLjvjBUf_WNTvvUquXZgDegIL-gTxx8jh7UWC9VHDbHAUOxVUaow



Ekki veit ég hvort það er Þórdís Kolbrún Reykfjörð utanríkisráðherra eða varnarmálaráðherra, sennilega hvort tveggja í senn, sem komin er til Georgíu til að hafa afskipti af innanlandsmálum þar í landi. Því nákvæmlega það er hún að gera og erindið á vegum BNA og handlangaranna í NATÓ, allt samkvæmt löngu ákveðinni forskrift Pentagon og hugveitanna sem starfa á vegum þeirrar stofnunar. Allt saman skjalfest og löngu komið fram eins og þau vita sem hirt hafa um að kynna sér.

Íslenskur ráðherra mótmælir – þó ekki í Tel Aviv


(Utanríkis- og varnarmálaráðherra Íslands með ráðherrum frá Eystrasaltsríkjunum að lýsa yfir andstöðu við ríkisstjórn Georgíu á fundi með mótmælendum)

Í Georgíu snýst málið um umdeilt lagafrumvarp sem lýðræðislega kjörið þing landsins hefur haft til umfjöllunar. Utanríkis/varnarmálaráðherrar Eystrasaltsríkjanna og Íslands segja að um sé að ræða lagasetningu sem sé þeim óásættanleg og básúna þá afstöðu sína á útifundum og í fjölmiðlum.
Í grunninn snýst þessi lagasetning um það hvort stofnanir og samtök sem fjármögnuð eru erlendis frá meira en að fimmtungi til, þurfi að gera grein fyrir sér sem slíkum. Sem dæmi mætti spyrja hvort Radio Free Europe sem alfarið er kostað af bandaríska varnarmálaráðuneytinu, Pentagon, sé georgísk útvarpsstöð eða erlend.
Á þessu máli er svo sú hlið, sem gagnrýnendur hald á loft, að stjórnvöld í Georgíu séu að leita að átyllu til að hefta starfsemi félagasamtaka.
Hitt er þó staðreynd að í því stríði sem háð er um völd og yfirráð í heiminum, tilraunum til að bola ríkisstjórnum frá og setja aðrar til valda, „regime change“ er „frjálsum“ félagsamtökum óspart beitt sem Trojuhestum samtímans. Fram hjá þessu verður varla horft.


(Þessi mynd er af forsíðu bæklimgs frá Rand Corporation sem lýsir ákveðinni heimssýn sem verður ljós þegar bæklingrinn er lesin. Þar segir hvernig knésetja megi Rússland og er bæklingurinn gerður löngu fyrir innrás Rússa í Úkraínu)

Og svo er það ný staða í Washington – tengiliður við Pentagon!


Og svo ég bæti einum mola í konfektkassa hernaðarhyggjunnar sem leidd hefur verið til öndvegis í íslenskum stjórnmálum, þá ætlaði ég varla að trúa því þegar mér var sagt að í kyrrþey hefði í janúar síðastliðnum verið búin til föst staða í sendiráði Íslands í Washington, sérstaks „varnarmálafulltrúa“.

Ég ákvað að beina formlegri fyrirspurn til utanríkisráðuneytisins um þetta nýja embætti og fékk að vita að lengi vel hafi staðgengill sendiherra eða „sérfræðingur“ verið eins konar „ígildi“ varnarmálafulltrúa en í ágúst árið 2018 hafi orðið „sú breyting að staðgengill sendiherra var formlega viðkenndur sem varnarmálafulltrúi gagnvart Bandaríkjunum …“ en „í janúar síðastliðnum tók starfsmaður utanríkisþjónustunnar síðan við þessu hlutverki sem aðalstarfi í sendiráðinu. Varnarmálafulltrúi sinnir samskiptum við bandaríska varnarmálaráðuneytið. Hann ræktar tengsl við bandarísku strandgæsluna, almenn tengsl og erindrekstur í strandgæsluskólanum. Þá á hann í samstarfi við aðra varnarmálafulltrúa í Washington, einkum norræna, og við hugveitur á sviði öryggis- og varnarmála.“

Ákveðið í ríkisstjórn en var þetta rætt á þingi?

Sannast sagna stóð ég í þerri trú að samstarf Íslands við erlend ríki um hernaðarmál ættu að vera á vegum utanríkismálanefndar Alþingis og undir smásjá hennar. Hún tæki um það ákvörðun eftir opna umræðu á Alþingi um hvaða tengsl bæri að rækta við bandarísku hervélina ef þá einhver. Rétt væri að byrja á því að ræða það.
Þá þyrfti að upplýsa um það hvort Alþingi fái reglulega í hendur skýrslur varnarmálafulltrúans um samskipti hans við varnarmálaráðuneyti Bandaríkjanna, Pentagon, og þær hugveitur sem sú stofnun hefur með í ráðum um stefnumótin. Þar er efst á blaði Rand Corporation sem stundum hefur verið fjallað um á þessum vettvangi, en skýrslur þeirrar stofnunar ættu að vera skyldulesefni allra þeirra sem vilja skilja það sem er að gerast í heiminum að undirlagi þeirra afla sem ríkisstjórn Íslands hefur á undanförnum árum verið að bindast sífellt fastari böndum. Sú lesning er hrollvekja.
(Sjá þessa skýrslu frá 2019 um hvernig farið skuli að því að knésetja Rússland, skrollið niður og skoðið þó ekki sé nema millifyrirsagnir, https://www.rand.org/content/dam/rand/pubs/research_reports/RR3000/RR3063/RAND_RR3063.pdf )

Eins og málum er komið vakti þessi nýja staða enga sérstaka undrun mína en umræðuleysið og andvaraleysið gerir það aftur á móti. Dapurlegast er þó að hugsa til þess að þau sem sögðust myndu standa vaktina gegn ásælnum hernaðarhagsmunum gerðu það ekki. Þvert á móti skipuðu þau sér undir gunnfána hernaðarhyggjunnar.
Því fer fjarri að Íslendingar séu einir á báti í að kúvenda frá því að tala máli friðar og sækja þess í stað í þann farveg að verða í málsvari vígvæðingar og stríðs. Hér fljóta íslensk stjórnvöld í meginstraumnum því ráðamenn á Norðurlöndunum öllum eru einnig þarna komnir. Alls staðar sama ístöðuleysið og vesaldómurinn og alls staðar er reynt er að setja þá til hliðar sem reyna að standa í lappirnar gegn yfirgangi heimsauðvaldsins. En sú staða mun ekki vara að eilífu. Sanni menn til!

Það sem er þó verst

Reyndar hef ég aldrei gert mér vonir um að Sjálfstæðisflokkurinn gerði annað en hann hefur alltaf gert, stutt hermangarana vini sína. Verra er það með Vinstrihreyfinguna grænt framboð. Hún segist vera á móti NATÓ og að verið sé að framfylgja öryggisstefnu Íslands.
Hvort tveggja er ósatt.

Það er verið að ganga miklu lengra en nokkur slík stefnumótun kveður á um, og það hefur ríkisstjórnin gert ótilneydd. Hvetjandi að hætti Ketils skræks og viljug eins og einhvern tímann var sagt um þau ríki sem studdu innrás Bandaríkjanna í írak í byrjun aldarinnar, hefur minn gamli flokkur, Vinstrihreyfingin grænt framboð reynst vera undanfarin tvö kjörtímabil, ekki á móti NATÓ, nei, þar í stöðugum faðmlögum, hvetjandi um stækkun og styrkingu bandalagsins, meir hörku, minni undanlátssemi, meiri vopn, meira stríð.
Það er þetta sem mér finnst jafnvel verra en gamalgróna NATÓ þjónkunin hjá Varðbergsmönnum; þegar eitt er sagt en annað gert.
Verstur er nefnilega tvískinnungurinn.
Með honum hverfur trúverðugleikinn.


Sjá meðal annars um kúvendingu Norðurlandanna,
https://www.ogmundur.is/is/greinar/norraen-rettlaetiskennd-tekur-breytingum

Tekið af heimasíðu höfundar, https://ogmundur.is með góðfúslegu leyfi.

Notaðu vinstri og hægri örvatakkana til að fletta greinum.

Hver á þetta stríð í Úkraínu?

Hver á þetta stríð í Úkraínu?

Þórarinn Hjartarson

Pútín og Rússlandsstjórn bera ein og einhliða ábyrgð á stríðinu í Úkraínu. Það er afstaða íslenskrar stjórnmálastéttar í heild sem og opinber afstaða vestrænna …

Heimir Már, Þorgerður Katrín og Ólafur Ragnar

Heimir Már, Þorgerður Katrín og Ólafur Ragnar

Einar Ólafsson

Þann 29. október síðastliðinn gerði framkvæmdastjóri Flokks fólksins, Heimir Már Pétursson, athugasemd við færslu Macrons forseta Frakklands á samfélagsmiðlinum X varðandi Rússland og Úkraínu …

„Staðgengill“ CIA: Hið sanna hlutverk Sádi-Arabíu í 11. september afhjúpað

„Staðgengill“ CIA: Hið sanna hlutverk Sádi-Arabíu í 11. september afhjúpað

Kit Klarenberg

Aldarfjórðungi eftir 11. september beinast spjótin að Sádi-Arabíu. Kit Klarenberg rýnir í dómsskjöl sem benda til að CIA hafi ráðið í það minsta tvo …

Þriðja heimsstyrjöldin tekur á sig mynd og stigmagnast með hverjum deginum

Þriðja heimsstyrjöldin tekur á sig mynd og stigmagnast með hverjum deginum

Billy Bob

Þriðja heimsstyrjöldin tekur á sig mynd og stigmagnast með hverjum degi sem líður. Mikilvægt er að skilgreina skýrt og ótvírætt öflin á bak við …

Evrópa í krísu – tengist það ekki ESB?

Evrópa í krísu – tengist það ekki ESB?

Tjörvi Schiöth

Mótmælin, óeirðirnar og ófriðurinn í Evrópu eru enn eitt dæmið sem sannar að það sem ESB-sinnar sögðu fyrir þessar kosningar 29. ágúst—allur fagurgalinn, gylliboðin …

Grænlandssamningur og sókn Bandaríkjanna á Norðurslóðum

Grænlandssamningur og sókn Bandaríkjanna á Norðurslóðum

Þórarinn Hjartarson

Marco Rubio kom til Íslands í gær (mánudag) og verður fram að hádegi í dag. Hann er á Evrópureisu sem öll gengur fyrst og …

Þetta er verkaskipting – ekki „fráhvarf frá Úkraínu“

Þetta er verkaskipting – ekki „fráhvarf frá Úkraínu“

Billy Bob

Bandarískt „fráhvarf frá Úkraínu“ er lygi. Þetta er verkaskipting. Ákveðinni frásögn er nú haldið stíft að okkur. Að Trump sé að „hverfa frá“ Úkraínu. …

Ísland gerði rétt í að segja „nei“ við ESB

Ísland gerði rétt í að segja „nei“ við ESB

Thomas Fazi

Á laugardaginn höfnuðu Íslendingar tillögu ríkisstjórnarinnar um að hefja að nýju aðildarviðræður við Evrópusambandið: 52,8 prósent kusu gegn tillögunni en 47,2 prósent með henni. …

Nýjustu greinar

Úkraínustríð breytist í Evrópustríð – en áfram er það bandarískt stríð

Úkraínustríð breytist í Evrópustríð – en áfram er það bandarískt stríð

Þórarinn Hjartarson

Í fyrri grein, Hver á þetta stríð í Úkraínu?, voru skoðaðar rætur og upphaf Úkraínustríðsins. Við vorum komin fram í apríl 2022. Atburðarásin fram …

Rannsókn Thomas Fazi á meintu fjölþáttastríði Rússa

Rannsókn Thomas Fazi á meintu fjölþáttastríði Rússa

Ólöf Benediktsdóttir, Glenn Diesen

Ítalski blaðamaðurinn og rithöfundurinn Thomas Fazi tók sér nýlega fyrir hendur að rannsaka sannleiksgildi fullyrðinga um meintar fjölþáttaógnir Rússa. Hann uppgötvaði að flestar fullyrðingar …

Standa Rússar á bak við árásir á frystiskápa?

Standa Rússar á bak við árásir á frystiskápa?

Andri Sigurðsson

Aðfaranótt 2. nóvember var gerð árás á frystiskápa og kæla matvöruverslana í sjö Evrópulöndum. Að minnsta kosti tveir kælar hér á landi urðu fyrir …

Heimir Már, Þorgerður Katrín og Ólafur Ragnar

Heimir Már, Þorgerður Katrín og Ólafur Ragnar

Einar Ólafsson

Þann 29. október síðastliðinn gerði framkvæmdastjóri Flokks fólksins, Heimir Már Pétursson, athugasemd við færslu Macrons forseta Frakklands á samfélagsmiðlinum X varðandi Rússland og Úkraínu …

Hver á þetta stríð í Úkraínu?

Hver á þetta stríð í Úkraínu?

Þórarinn Hjartarson

Pútín og Rússlandsstjórn bera ein og einhliða ábyrgð á stríðinu í Úkraínu. Það er afstaða íslenskrar stjórnmálastéttar í heild sem og opinber afstaða vestrænna …

Atkvæðagreiðsla SÞ um Kúbu – hvað segir hún um heimsástandið?

Atkvæðagreiðsla SÞ um Kúbu – hvað segir hún um heimsástandið?

Einar Ólafsson

28. október 2026 voru greidd atkvæði á allsherjarþingi SÞ um tillögu um að binda endi á viðskiptabann Bandaríkjanna á Kúbu. Sambærilegar tillögur hafa verið …

„Hræddu líftóruna úr bandarískum almenningi“

„Hræddu líftóruna úr bandarískum almenningi“

Jökull Ari Haraldsson

Þetta voru ráð Arthurs Vandenbergs, formanns utanríkismálanefndar öldungadeildarinnar, til Harry S. Trumans forseta. Á árunum eftir endalok seinni heimsstyrjaldar var uppgangur kommúnista mikill í …

Arabískar nætur   

Arabískar nætur   

Katjana Edwardsen

Eitt eigum við öll sameiginlegt: við búum í ríkjum – öðru nafni löndum – sem flest hver njóta alþjóðlegrar viðurkenningar (sum að vísu aðeins …

Leita

Notaðu örvatakka til að velja niðurstöðu og Enter til að opna. Escape lokar leitinni.

Sláðu inn leitarorð.