Skoðanakönnun leiddi í ljós að 82% fullra ríkisborgara Ísraels vilja reka Palestínumenn frá Gaza. Og 47% vilja drepa hvern einasta karl, konu og barn á Gaza. Ehud Olmert, fyrrverandi forsætisráðherra landsins, skrifaði að Ísrael ástundaði „útrýmingarstríð: handahófskennd, óhamin, grimm og glæpsamleg dráp á óbreyttum borgurum“.

Að mikill meirihluti Ísraela vilji reka Palestínumenn frá Gaza og að um helmingur vill drepa hvern einasta karl, konu og barn á umsáturssvæðinu sýnir könnun sem birt var í stóra ísraelska dagblaðinu Haaretz. 

Því trúaðri sem Ísraeli er, því líklegri er hann til að styðja þjóðarmorð og þjóðernishreinsanir.

Könnunin, sem birtist hér að neðan, var gerð í mars af ísraelska fræðimanninum Tamir Sorek, prófessor við Pennsylvania State háskólann. Hann vann með ísraelsku skoðanakönnunarfyrirtæki, Geocartography Knowledge Group. Sjá:

Könnun á almenningsáliti í Ísrael frá mars 2025, pöntuð af Pennsylvania State University og birt í ísraelska dagblaðinu Haaretz.

Flestir Ísraelar vilja reka palestínska ríkisborgara á brott

Um 21% ríkisborgara Ísraels eru Palestínumenn, sem eru þó ekki taldir fullkomlega ísraelskir. Þeir eru þriðja flokks borgarar og er neitað um jafna meðferð á við aðra borgara af ísraelskum stjórnvöldum.

„Ísrael er ekki ríki allra borgara sinna“, lýsti Benjamin Netanyahu forsætisráðherra stoltur yfir árið 2019. „Samkvæmt grunnlögum um þjóðerni sem við samþykktum er Ísrael þjóðríki gyðinga – og aðeins það“, lagði Netanyahu áherslu á og gerði það ljóst að Palestínumenn væru ekki í raun taldir Ísraelar.

Könnunin sem gerð var í mars 2025 fyrir Pennsylvania State háskólann leiddi í ljós að 56% gyðinga í Ísrael – sem eru þeir einu sem teljast sannir og fullir borgarar – vilja reka alla palestínska ríkisborgara á brott. Þetta á við um 66% Ísraela undir 40 ára aldri.

Því yngri sem Ísraeli er, því líklegri er hann til að vera öfgafullur hægrisinni, sýndi könnunin.

Hvernig stjórnkerfi Ísraels og Bandaríkjanna ýta undir öfgafulla hægristefnu

Prófessor Tamir Sorek, ísraelski fræðimaðurinn sem gerði könnunina, benti á í áðurnefndri Haaretz-grein að sumir áberandi trúarleiðtogar í Ísrael hafi talað fyrir fjöldamorðum á palestínskum óbreyttum borgurum.

Sorek nefndi sem dæmi Yitzchak Ginsburgh rabbína, áhrifamikinn ísraelskan landtökuleiðtoga á Vesturbakkanum, sem samkvæmt alþjóðalögum er palestínskt landsvæði en sem Ísrael hefur haldið ólöglega hernumdu síðan 1967.

Ginsburgh, sem vill útrýma Palestínumönnum og koma á fót guðveldi í Ísrael, er einnig Bandaríkjamaður. Hann fæddist og ólst upp í Bandaríkjunum og flutti ekki til Ísraels fyrr en hann var á þrítugsaldri.

Sorek skrifaði að árásin á Ísrael 7. október 2023 „hafi leysti bara ír læðingi læðingi djöfla sem höfðu verið aldir upp í áratugi í fjölmiðlum og laga- og menntakerfinu [í Ísrael]“.

Í Haaretz skrifaði Sorek (áherslum bætt við):

Síonismi er, auk þess að vera þjóðernishreyfing, einnig hreyfing innflytjenda-landnema, sem leitast við að ryðja burt fyrri íbúum. Landnemasamfélög innflytjenda mæta alltaf handahófskenndri, ofbeldisfullri mótspyrnu frá frumbyggjahópum. Löngunin eftir algjöru og varanlegu öryggi getur leitt af sér löngun til að útrýma íbúum sem veita mótspyrnu. Því hefur nánast sérhvert landnámsverkefni í sér þann möguleika að verða að þjóðernishreinsun og þjóðarmorði, eins og raunin var í Norður-Ameríku á 17. til 19. öld eða í Namibíu snemma á 20. öld.

Sorek varaði við því í annarri grein í apríl að „í Ísrael hafa áköll um þjóðarmorð flutt sig frá jaðrinum til meginstraumsins“. 

Skýrt dæmi um hvernig fasismi hefur orðið hluti af meginstraumnum í Ísrael er hinn öfgahægrisinnaði fjármálaráðherra landsins, Bezalel Smotrich, sem er meðlimur í öflugu öryggisráði ríkisstjórnarinnar. 

Smotrich lýsti sjálfum sér sem „fasískum samkynhneigðarhatara“. Sá háttsetti ísraelski embættismaður hefur kallað eftir „algjörri útrýmingu“ Gaza og hélt því fram að það væri „réttlætanlegt og siðferðilega rétt“ að svelta alla 2,1 milljón Palestínumanna á svæðinu til dauða.

Ehud Olmert, fyrrv. forsætisráðherra: Ísrael heyr „útrýmingarstríð“ á Gaza

Ehud Olmert, fyrrverandi forsætisráðherra Ísraels, hefur sakað land sitt um að fremja stríðsglæpi og heyja „útrýmingarstríð“ í Gaza.

Olmert stýrði ríkisstjórn Ísraels frá 2006 til 2009. Þar áður var hann áratugum saman meðlimur í hægriflokki Netanyahus, Likud.

Hann kom með þessa hreinskilnu játningu í hebreskri grein í Haaretz í maí: „Það sem við erum að gera í Gaza er útrýmingarstríð: handahófskennd, óhamin, grimm og glæpsamleg dráp á óbreyttum borgurum“, sagði Olmert.

Olmert útskýrði að árið 2023 og 2024 hefði hann neitað því að ísraelsk stjórnvöld væru vísvitandi að fremja stríðsglæpi, en hann gerir sér nú grein fyrir að hann hafi haft rangt fyrir sér.

„Það eru of mörg dæmi um hrottafengna skothríð á óbreytta borgara, eyðileggingu eigna og heimila“, sagði fyrrverandi forsætisráðherra Ísraels. „Rán á eignum, þjófnaðir úr heimilum, nokkuð sem hermenn IDF hafa í mörgum tilfellum stært sig af og birt í persónulegum færslum. Við erum að fremja stríðsglæpi“. 

Olmert sagði afdráttarlaust að Ísrael notaði hungur sem vopn: „Já, við erum að svipta íbúa Gaza mat, lyfjum og lágmarks lífsviðurværi sem hluta af yfirlýstri stefnu“.

Hann vísaði til ísraelskra stjórnvalda sem „glæpagengis“ og skrifaði að „ráðherrar ísraelsku ríkisstjórnarinnar, undir forystu forsprakka gengisins, Netanyahu, eru í raun að taka upp, án umhugsunar, án hiks, stefnu um hungur og hörmungakúgun sem gæti haft hörmulegar afleiðingar“.

Ísrael kallar stríð sitt á Gaza opinberlega „Aðgerðin Vagnar Gídeons“. Olmert sagði þetta vera „ólögmæta hernaðaraðgerð“, þar sem „æði“ hafi runnið á ísraelska hermenn og þeir breytt Gaza í „mannúðarhamfarasvæði“. Herinn hegðar sér „kæruleysislega, gáleysislega og af óhóflegri árásargirni“, bætti hann við.

Hinn mikli fjöldi palestínskra óbreyttra borgara sem drepnir hafa verið í Gaza er „óskynsamlegur, óréttlætanlegur, óásættanlegur“, skrifaði hann.

Olmert viðurkenndi einnig að Ísraelar „slátri palestínskum óbreyttum borgurum á Vesturbakkanum líka“ og að þeir „fremji viðurstyggileg glæpaverk á hverjum degi á Vesturbakkanum“.Í viðtali við ABC Newsviðurkenndi fyrrverandi forsætisráðherra Ísraels: „Við höfum eyðilagt Gaza“.

Ben Norton birti greinina á vefsíðu sinni, Geopolitical Economy 2. júní sl. https://geopoliticaleconomy.com/2025/05/30/poll-israelis-expel-palestinians-gaza-genocide/