Í dag birtist fjölmiðlum eftirfarandi tilkynning frá Lögreglunni á höfuðborgarsvæðinu:

„Vegna umfjöllunar Morgunblaðsins og mbl.is um rannsókn Lögreglunnar á höfuðborgarsvæðinu á alvarlegu líkamásári í Túnahverfi í Reykjavík í síðustu viku vil embættið taka sérstaklega fram að á þessu stigi bendir ekkert til þess að þeir sem hafa verið handteknir í málinu hafi tengsl við Hamas-samtökin. Þá er það enn fremur rangt að hinnir sömu séu á lista alþjóðalögreglunnar yfir grunaða hryðjuverkamenn. Rannsókn málsins er annars í fullum gangi og er í algjörum forgangí hjá embættinu. Hún er mjög viðamikil og tímafrek eftir því, en tveir sitja nú í gæsluvarðhaldsi í þágu rannsóknarinnar“.

Það er auðvitað ekkert nýtt að Vestrænir meginstraumsfjölmiðlar flytji falskar fréttir er kemur að ríkjum sem ógna eða ögra Bandarísku heimsvaldastefnunni og Síónismanum. Vel hefur verið rakið hvernig slíkar áróðursgreinar eru sóttar til „heimilda“ á vegum Vestrænna leynilögregludeilda á borð við CIA/NED, MI5, MI6, og Mossad; ýmist í beinu samráði við umræddar stofnanir eða óbeint í gegnum netmiðla hugveitna, sem fjármagnaðar eru af yfirvöldum, sem vísa nær einungis í ónafngreind meint vitni.

Íslenskir meginstraumsmiðlar eru alls ekki saklausir hvað varðar flutning áróðurs og falsfrétta er varða þriðja heiminn, en yfirleitt hef ég talið það vera vegna fáfræði og þekkingarleysis blaðamanna og þeirrar íslensku fjölmiðlahefðar að apa gagnrýnislaust upp eftir Bandarískum og Breskum áróðursmiðlum án sjálfstæðrar heimildavinnu frekar en að blaðamenn séu vísvitandi að fara með staðreyndarvillur. Eða hvað?

Heimildamaður Morgunblaðsins og íslensk leynilöggun

Það vita kannski ekki allir að hérlendis starfar svokölluð greiningardeild ríkislögreglustjórans sem sinnir hlutverki íslenskrar leynilögreglu í samvinnu við lygamyllur og leynistofnanir erlendis til, samkvæmt Gunnari Herði Garðarssyni, þáverandi samskiptastjóra ríkislögreglustjóra, í samtali við Vísi þann 21. júní 2023. Þess má kannski geta að þessi deild fer einnig með almenn sakamál, þ.m.t. ofbeldisbrotið sem hér um ræðir.

Þá spyr ég nú hvort falsgrein Morgunblaðsins hafi vísvitandi verið spunnin upp í þeim tilgangi að reyna að framleiða samþykki íslensks almennings fyrir þjóðarmorði Ísraels með því að notfæra sér þjáningu fólks og nústandandi flóttamannakrísu. Þetta er jú sama blað og birtir ógagnrýnin viðtöl við landráðsfólk frá fórnarlambaríkjum heimsvaldastefnunnar sem búsett er hérlendis; aðila sem lofa Bandarísku harðstjórnina og Ísraelska Ríkið, kallandi eftir hryðjuverkaárásum gegn eigin landi og þjóð, en það er annað mál.

Samkvæmt upprunalegu grein mbl.is komu upplýsingar um meint tengsl brotamanna við Palestínsku Hamas-þjóðfrelsissamtökin frá „heimildarmönnum“ Morgunblaðsins innan Lögreglunnar, en Lögreglan neitar nú fyrir.

Þá er a.m.k. eitt á hreinu og eftir standa þrír möguleikar:

Einhver laug því vísvitandi að íslensku þjóðinni um að Palestínskir Hamas-þjóðfrelsisliðar (sem málaðir eru sem hryðjuverkamenn af Morgunblaðinu) hefðu framið hér gróft ofbeldisbrot. Annað hvort er Morgunblaðið vísvitandi að ljúga að íslensku þjóðinni eða þá eru heimildarmenn Lögreglunnar að ljúga, eða bæði.

Ath. að það fyrir Palestínumenn að halda uppi fánum og táknum eigin þjóðfrelsishreyfinga er hvorki óeðlilegt né rangt, né þarf það að merkja formleg tengsl viðkomenda við þær hreyfingar. Að hafa uppi slíkar fullyrðingar án raunverulegra sannana er það eina sem er siðlaust hér.

Greinin er sú mest lesna í dag á vef Morgunblaðsins og rataði hún jafnvel upp í pontu Alþingis. Enga leiðréttingu er að sjá á forsíðu mbl.is. Þvert á móti birtast þónokkrar greinar þar sem kynt er undir þessa lygaþvælu.

Hverjum getum við treyst?

Með þessar upplýsingar í huga þá verðum við að spyrja okkur þessara spurninga: Er íslenskum meginstraumsmiðlum yfir höfuð treystandi? Er íslensku Lögreglunni treystandi? Og ef hvorugum er treystandi, hverjum getum við þá eiginlega treyst til að veita okkur sannar og réttar upplýsingar er snerta þriðjaheimsríki sem veita heimsvaldastefnunni og Síónismanum mótbyr?

Ég fylgi þeirri almennu reglu á þessum tímapunkti að gera ráð fyrir því að greinar Vestrænna meginstraumsmiðla er snerta þennan málaflokk séu uppspuni nema þær vísi í heimildir sem hægt er að staðfesta með fullri vissu.

Svo miklar eru lygarnar og upplýsingaóreiðan að Íslendingar eru farnir að hrjást af ranghugmyndum um hvað er að gerast í eigin landi.